schifferin

Liebe Trauernde, liebe Anjehörige, jeliebte Freunde und -innen und außen, verheerte Jemeinde!

Mir haben uns hier besammelt um unseres lieben Bruders, des Vaters, des Sohnes, un des heilijen Fisternölchens, Amen.
Wir wollen unserem Alten Ego, unserem jeliebten Lebensmittelabschnittsjefährten, dem Nubbel, in dieser für uns alle so dunklen Stunde, das letzte Jeleit jeben.

Plötzlich und unerwartet hat er uns aus der Mitte jerissen.
Mitten aus der herrlichsten Feierei.
Wir stehen hier, und können es noch jar nicht fassen.
Und wenn wir uns fragen warum, dann wissen wir Bescheid:
Dem Herrjott ist es mit Christoph Schlingensief und Petra Schürmann einfach zu langweilig.

Der Nubbel, er war ein juter Kerl, ein treuer Kamerad, für jeden Driss zu haben; un er war sich für nix zu schade.

Bei Eis un Schnee is hä nit met dr KVB jefahre! Hä es zo Foß noh Kölle jejange! Un er konnte es jar nich jlauben, dat er mal endlich da ankam, wo er hin wollte.

Immer, immer hat er zum FC jehalten, obwohl die teilsweise so unterirdisch jespielt haben wie der Quander un die janze Köpp mit der Karin Beier.
Sull et doch jonn dat Aapejeseech, dat Unnüdije, Bim Bam Beier, loss et doch jonn, do bei die Feschköpp!
Un er is in jeder Premiere im Schauspielhaus dabei jewesen! Un er hat immer! der janze Abend tapfer auf die Büttenreden und die Höhner jewartet.

Er hat den Klöppel vom dicken Pitter fallen lassen, nur leider nicht weit genug.

Er hat das alte Polizeipräsidium abjerissen, aber leider nicht auch die viel ältere Hütte vom Erzbischof.

Er war dat Hännesjen der Priesterseminare und Kinderheime.

Er war der Englischlehrer von Guido Westerwelle.

Er war der Schauspielcoach von Hosni Mubarak und Muhamar al Gaddaffi

Er war der Ghostwriter von Karl Theodor Maria und Josef Nikolaus Sylvester Kaspar David Friedrich Pinoccio Freiherr von und zu Guttenberg.

Er hat, jrade in den letzten Tagen, jesungen wie ein Vöjelchen, dä Nubbel un jevögelt wie…..nä, lasse mer dat…. er wußte, was die Frauen sich wünschen; aber er hat es ihnen nicht gegeben; er hat nämmich auch jesoffen wie ein Loch.

Es ist eine Schande, daß er so früh gehen mußte.
Un dä Meissner immer noch da is.

Herrjott, warum hat er uns verlassen?

Der Herrjott schweigt, dä es is och en dumm Sau.
Der läßt dat zu, dat et hier noch em Fastelovend zujeht wie in Sodumm und Gomera!

Dat su wunderbare Lückcher wie die vun däm Querbeat oder dä joode aahle Tröötemann, dat die jleiche Luft atmen, wie su läppsche Lappe vun Höhner!

Was ist das für ein Herrjott, dem da nich de Trommelfelle platzen?!

Was ist das für ein Jott, dem nich die Augen brennen vor Kummer, dat orijinal chinesisch zusammenjehustete auch Karnevalskostüme als kölsches Brauchtum vertickt werden.

Dat unsere jeliebte Heimatstadt von einer jewissenlosen Bande von Schnäuzern jerupft und verkamesölt wird, als wär jeder Tag St. Martin?!?
Der Roters hat keinen Schnäuzer? Dat meint ihr nur: dä hät dä ennedren!

Aber wat reg ich mich auf, lasset uns singen Lied 316

Liebe Gemeinde, der Nubbel ist tot, und wenn ich es mir richtig überlege, dann ist das auch gut so. Er war eine richtige Drecksau, ein Schmarotzer, ein Weichei, eine Pissnelke vor dem Herrn. Was hat dieser Blötschkopp in vielen Gestalten aus unserem schönen Köln gemacht? Der Stadt in der einst Honig und 4711 flossen?!

Früher hat mer Brunnenverjifter un Lappörchensfingererer, früher hat mer so jemeine Fötchesföhler an der Mutter Colonia, die hat mer jeteert un jefedert aus der Stadt jejacht! Richtung Melaten!

Und dat war falsch, die haben alle in Junkersorf jebaut.

Un dann sin se über se hergefallen wie die Hunnen über das Rheinland, wie dä Kachelmann über die Mauseweibchen, dä Alfred Neven Dumont über die Pressefreiheit, das Proseccoviertel über den Rheinauhafen. Se haben sich an de nährende Brust von der Mama jehangen wie ein Junkie an de Nadel, haben se ausgelutscht wie Onkel Dittmeyer seine Apfelsinen, eine rechts eine links, der Rolf Bietmann die Sparkasse und Oppenheim Esch de Stadtkasse.
Liebe Trauernde, verheerte Jemeinde!

Der Nubbel ist tot.

Lasst uns nun Fürbitten und Schuld zuweisen:

Wer ist Schuld, dat der FC aber janz knapp nicht deutscher Meister wird?

Wer ist Schuld, dat die Hartz 4 -Kinder in Köln jetzt jar nicht mehr wissen, wohin mit ihrem Jeld?

Wer ist Schuld, dat mer jetzt noch froh sein können, dat se die blaue Mülltüte am Breslauerplatz noch nicht abjerissen haben, weil wir sons in ene Bunker nach Vogelsang jemusst hätten?

Wer ist Schuld dat Porz eingemeindet wurde? Düsseldorf aber noch nicht?

Wer ist Schuld dat wir trotz Zusatzbeiträgen und Igelleistung nach Fastelovend immer so krank sind?

Wer ist Schuld, dat die Wippe von der Stunksitzung mehr Herzattacken ausjelöst hat, als der Eiertanz um die Waffenlieferungen nach Libyen?

Wer ist Schuld, dat dat janze schöne Öl im Jolf von Mexiko die Delfinmütter jetrunken haben, statt dem Vorstand von BP auch wat abzujeben.

Un wer is Schuld, dat der Rest davon jetzt in der Frisur vom Juttenberg klebt?

Wer ist eijentlich schuld, dat im Zeltlager in Afghanistan jenauso wie em Fastelovend in Aachen die Obrigkeit auf et Volk spuckt, statt jefälligst umjekehrt?

Und wer is schuld, dat 80 % von dem blöden Volk in Afghanistan jenauso wie in Aachen dat auch noch supper finden?

Wer ist denn schuld, dat mer uns der janze Dreck jefallen lassen, den mer uns jefallen lassen; und zwar von Leuten jefallen, die alle noch viel fauler, viel feiger und noch viel dümmer sind als wie wir selber?!

Ich reg mich schon wieder auf. Hoffentlich sind wir bald fertig hier, mir singen noch schnell ein Lied und dann jehen mir rein. Drei, vier, jetzt jeht et an et Bier, Sauwetter, aus die Maus.

Liebe Trauernde, liebe Anjehörige, un dat sin in dem Fall mehr, als mer denkt! Jeliebte Freunde und -innen und außen, verheerte Jemeinde!

Mir haben uns hier besammelt um unseren lieben Bruder, Amen.

Wir wollen unserem Alten Ego, unserem jeliebten Lebensmittelabschnittsjefährten, dem Nubbel, in dieser für uns alle so dunklen Stunde, das letzte Jeleit jeben.

Plötzlich und unerwartet wurde er uns aus der Mitte jerissen. Mitten aus der herrlichsten Feierei. Hier stehen mir und können es noch jar nicht fassen.

Warum, fragen wir uns? Wie kann der Schöpfer das zulassen? Ich sach et Euch: Es ist dem Schöpfer drissejal! Er hat den Dirk Back einkassiert, un den Dieter Bohlen leben lassen, seitdem meint der, er kann sich alles erlauben! Dumm Sau!

Der Nubbel, er war ein juter Kerl, ein treuer Kamerad, er war für jeden Driss zu haben; un er war sich für nix zu schade:

Er war der Schauspielcoach von Carmen Geis. Un der Asienexperte der FDP.

Tapfer es hä mit dem FC bis noh Aalen jefahre. Sandhausen, Paderborn! Erzjebirje Aua! Ja, dat is unterirdisch! Aber damit is der FC ja nich alleine in der Stadt. Aber lasse mer dat.

Unser Freund hat im Priesterseminar de Flöten jezählt und dann dem Pfeiffer jesacht: Do blos der jet.

Weiberfastnacht war er auf ´em Alter Markt und hat alle drei Minuten seinen Spannmann, den Brüderle anjepiept. Kumm erövver! Hupenalarm, övverall frei loufende Möpsjer! Un ungerm Dirndl weed jejodelt!

Er war der Doktorvater von Annette Schavan. In Düsseldorf. Ja. Eben.

Trotzdem is es eine Schande, daß er so früh gehen mußte. Un dat der Meisner immer noch da ist.
Aber die Weje des Herrn sin unerforschlich. Ich würde sojar saren, im Moment is er vollkommen läppsch jeworden.
Kaum hat der Meisner die Pille danach erlaubt, zack! hat der Ratzinger ne spontane Abjang. Auf Rosenmontag! Un morjen tritt dann der Herrjott himself zurück oder wie? Un Helmut Schmidt jibt et rauchen dran oder wat?! Ja, wo simmer dann jetz?

Jenau, da simmer dabei, dat es prima! Wir lieben das Leben, die Liebe un den Suff; un wenn mer nix ze poppe han, do jonn mer en der Puff.
Un da musste en Köln nit lang suchen. Der jrößte Puff Europas es bei uns en Kölle. Der größte Puff von Köln, dazu sagen wir Rathaus. Da besorgt et Mutter Colonia persönlich den Bedürftijen. Un dovun jit et och immer en janze Hääd.

Aber de Mehrzahl von Hohn heißt bei uns ja auch Höhner. Un dat seit 40 Jahren! Dat jlaubt uns draussen in der Welt kein Mensch. 40 Jahre Höhnerboarding!

Was ist das für ein Herrjott, der so was zulässt? Dem da nit der Messwein sauer wird un de Monstranz implodiert?

Un wat soll mer überhaupt von einem Herrjott halten, der sich von Ratzinger und Meise vertreten lässt? Er könnte doch auch mal der Harry Belafonte fragen? Oder Woody Allen?

Liebe Gemeinde, der Nubbel ist tot, und wenn ich es mir richtig überlege, dann ist dat auch jut so.
Er hat jetzt fast eine Woche lang jesungen wie ein Vöjelchen, unser Freund, der Nubbel. Un jevögelt hat er wie ein….. ja, er wußte jenau, was die Frauen sich wünschen. Aber er hat es ihnen nicht jejeben; er hat nämmich auch jesoffen wie ein Loch.

Er wor en ärm Sau, einjezwängt in de Sachzwänge von einem notorischen Schmarotzer un Weichei, eine Pissnelke vor dem Herrn. Was hat dieser Plackfissel, diese Print in vielen Gestalten aus unserem schönen Köln jemacht? Wat hat er nit alles zujelassen? Durchjewunken? Un de Hand aufjehalten dabei?! Oder mit unserm Jeld für Sachen bezahlt, die er jar nich bekommen hat?

Der Nubbel hat sich aus der Nummer rausjeklaut, hat sich abjemacht, dä Tütenüggel. Da liegt er, un sagt nix mehr.

Lasst uns deshalb nun Fürbitten und Schuld zuweisen:

Wer ist schuld, dat jedes vierte Kind in unserer Stadt sich die Kammelle vom Zoch für et janzes Jahr einteilen muss?
Dä Nubbel
Un wer is Schuld, dat de Kinder, die nit janz so arm sin, ers mit Nutella abjefüllt
werden und dann mit Ritalin?
Dä Nubbel
Un wer is dat schuld, dat jar nit die türkische Mafia war, die die Bombe in der Keupstraße jelegt hat?
Dä Nubbel
Wer ist dat, Känguruhpimmelessenkönnenohnekotzen unsichdabeifilmenlassen jetz als Kulturleistung durchjeht?
Dä Nubbel
Wer ist dat schuld, dat die FDP in jeder verdammten Tagesschau mehr Sendeminuten als Prozente hat!?
Dä Nubbel
Wer ist schuld, dat pausenlos Rettungsschirme ausgegeben werden, an Leute, die überhaupt nicht im Flieger sitzen!!!!
Dä Nubbel
Un wer ist dat jewesen, dat bei uns de Taliban mitten em Vorjarten sitzen!? En Neppes, un en Longerich! So dicht unter der Nase, dat et einem speiübel wird davon. St. Vinzenz, dä Stinkstivvel! Dä Hillije Jeist, dä Föttchesföhler aan der Jottesmutter! Die zwei Tuppesse vollstrecken he de römische Scharia! Und zwar och met ussem Jeld!!! Dat is keine Katholikenphobie! Dat is Christenverfolgung!

Mir woren ald ens wigger. In Kölle op jeden Fall. Do hatte mir der Code Civil und die Kirch vum Kardinal wor ene Päädsstall.

Und wer ist dat eijentlich schuld, dat mer uns der janze Dreck jefallen lassen, und zwar von Leuten jefallen lassen, die alle noch viel fauler, viel feiger und viel dümmer
sind als wie wir selber?!
Dä Nubbel

Verheerte Jemeinde, wie halten mir dat eijentlich aus? Ja, ich hör euch sagen, mir haben auf dreihundert Einwohner eine Kneipe. Was soll uns passieren? Et wird uns passieren, dass wir bald nirgendwo mehr rauchen dürfen. Und dann ist dat mit den Kneipen auch bald vorbei.

Dann kriejen mer, wat mer uns verdient haben. Modernes, jesundes Nachtleben, mir rauchen nicht, mir trinken nicht und wenn mer dann vor Mitternacht den Heimweg antreten, stocknüchtern, versteht sich, dann setzen mer zum Fahrrad fahren auch noch einen Helm auf! Und maulen am Ende noch, dat mer nichts erlebt haben! Wie Spanner am Warmbadetag!

Ich brauch jetzt janz schnell wat ze trinken, un wat ze rauchen, zünd dä Doof an, dat mer fertig werden hier. Dann singe mer noch schnell e Lied und dann is Schluß em Dom.

Liebe Trauernde, liebe Anjehörige,; Jeliebte, Freundinnen, Bekannte, Fisternöllchen – un dat sin mehr, als mer denkt, verheerte Jemeinde!

Mir haben uns hier besammelt um unseren lieben Bruder, Amen. Wir wollen unserem alten Ego, dem Nubbel, in dieser für uns alle so dunklen Stunde, das letzte Jeleit jeben.

Plötzlich und unerwartet wurde er uns aus der Mitte jerissen. Mitten aus der herrlichsten Feierei. Hier stehen mir und können es noch jar nicht fassen.
Warum, fragen wir uns? Wie kann der Schöpfer das zulassen?
Ich sach et Euch: Et es ihm piefejal. Nelson Mandela, Dieter Hildebrandt, Lou Reed, Tony Soprano. Dä meint jetz, hä künnt sich alles erlaube.

De Frau Fischer us dr Sanitärabteilung. De Sitzungspräsidentin vun Villeroy & Boch. Hätt hä och kassiert. 93 Jahre. Dat es doch kei Alter! Dä weed noch sin, wat hä dovun hät, dä Schöpfer. Dä muss jetz 50 Cent bezahle, wenn hä driesse jeiht. Loss mer ens e Leed vum Kacke singe……. joot dann nit.
Der Nubbel, er war ein juter Kerl, ein treuer Kamerad, er hat alles richtig jemacht. Er hat et dann nur nit zu Ende jebracht.
Er war der Architekt vom Tebartz von Elst. Dat Huus süht us wie dr Klingelpütz. Ävver dä Plackfissel läuf immer noch frei röm.
Er war der Ghostwriter von Alice Schwarzer. Alle Weiber em Pascha sin jeistesjestürt. Oder Zwangsarbeiterinnen. Du leever Jott. Wä sull dat dann jläuve? Jo, dä Niedecken. Un dann hätt dä Nubbel dat schwazze Jeld vun däm Schwarzers en de Schweiz jeschaff. Ävver die Hipp es immer noch do.
Er hat der FC auf Fastelovendsamstag nach Erzjebirje Aua jeschickt. Aber er hat ihn nit jewinnen lassen.

Er hätt dä Jürjen Becker en Düsseldorf em Russemondachszoch fahre loosse. Er hat ihn aber nicht dabehalten. Dabei hätten die dat mal dringend nötig.

Trotzdem is es eine Schande, dass er so früh gehen musste. Aber die Weje des Herrn sin unerforschlich. Letztes Jahr dr Papst op Rusemondaach, jetzt öm ei Hoor op Wieverfastelovend dr Meisner. Mer meint jo bal, dat et bedde sich lohne dät. Un dann hätt hä sich noch entschuldigt, dr Erdbeerschorsch. Un wir fragen uns: Wä hätt däm dann en et Heens jedresse? Jo, wä weed dat wohl jewäse sin?! Ajuja, ich saren üch, dr Herrjott hätt se och nit mieh all em Chressbaum. Däm jeiht dr Arsch op Jrundeis.
Mir lossen uns nämmich nit mieh alles jefalle, he en Kölle.
Die Verantwortlichen för dat Loch op dr Severinsstroß, die kommen alle vor Jericht. Jawohl, alle 107. Da wird ja wohl einer dabei sein, dem mer wat nachweisen kann. Un mir sin demonstriere jejange. Auf dr Jahrestach, jawohl. De längste Demo, die Köln je jesehen hat. Arsch zo un Zäng openander. 7 Kilometer. 20. Teilnehmer, 1,5 Millionen Gaffer. Wir haben ein Zeichen gesetzt, jawohl.
Dat et so nit weiterjeiht. Jedenfalls nit an däm Loch vorbei. Dat kann mer doch keinem zumuten. Wat hätte mer da singen sollen? Mir klääve am Lääve? Dat Wasser vun Kölle?
Was ist das für ein Tütenüggel von Herrjott, der so was zulässt? Un wo mer jrad dabei sin, leever Jott, wir brauchen in Köln keinen neuen Erzbischof.
De Kirche is arm, de Kirche muss sparen. En Limburg sin se so arm, dat se schon Kinder beklauen. Mir in Köln sin bescheiden, das ist unsere vornehmste Eijenschaft. Mir haben zwei schöne Weihbischöfe, die können sich der Posten teilen. Dä eine heiß Puff, dä andere Schwaderlapp. Besser kann et nit kommen.

Liebe Gemeinde, der Nubbel ist tot, und wenn ich es mir richtig überlege, dann ist dat auch jut so.
Die knüselije Aapefott, alles hat er anjejraben, wat nit bei drei auf de Tische war. Er hat jesungen wie ein Vöjelchen; und zwar die schrecklichsten Lieder, die Menschen sich je ausjedacht haben; un er hat jevöjelt wie ein….. lasse mer dat. Er wusste jenau, was de Frauen sich wünschen. Aber er hat es ihnen nicht jejeben. Er hat nämmich auch jesoffen wie ein Loch. Un jetz litt hä do, dä Sabberlatz. Un säät nix mieh.
Lasst uns nun Fürbitten und Schuld zuweisen
Wä is schuld, dat mer de letzten Tage in Stadtteilen wach jeworden sin, die mer jar nit kenne, un och nie kenneliere wullte? En Klamotte, die jar nit unser sin?
Dä Nubbel

Un wä es et schuld, dat mer ein Woch lang verlore jejange sin un keine Jeheimdiens op dr janze Ääd uns hätt finge künne?
Dä Nubbel

Un am Heumaat setze die Immis en dr U-Bahn Station un waade op die Bahn, die se immer hüre, ävver nit sin künne. Un die frore sich langsam, wann se endlich widder nüchtern weede. Wä es et schuld?
Dä Nubbel

Un wat dun se singe? Die Immis? Kölle es dr jeilste Arsch dr Welt. Leev Immis: Och em jeilste Arsch es et düster. Schwazz wie en ener Höhnerfott. Un wä es et schuld?
Dä Nubbel

Un wä es et schuld, dat mer uns alles jefalle loosse, wat mer uns jefalle loosse. Vun dä Köpp, dä Schnäuzer, die unsere jeliebte Heimatstadt en Jeiselhaft halten un nit mie herus röcke. Wä es dat schuld?
Dä Nubbel

Liebe Brüder un Schwestern. Mir haben zum ehrenden Jedenken an de Frau Fischer drei Tage un Nächte lang en dr janze Stadt de Klos abjezogen. Et hätt nix jenötz. Dr Dress schwemp Richtung Düsseldorf. Ävver en Kölle stehs de etz ens bis an de Knee dren. Der Nubbel hat et jut, der hat et hinter sich. Stech dä Doof aan, dat mer fertig werden hier.
Jehet hin en de Kaschemme, drink noch eine met, oder besser zwei oder drei auf unsere jeliebte Nubbel. Un morje jeht er alle an dat Loch un werft üer Strüßjer do eren.
Et sään üch de Mam, de Dochter un die hillije Jeiß, kutt joot op dr Emmer.

So lasset uns singen: Am Aschermittwoch…….

Liebe Trauerjemeinde, liebe Familie un Anjehörige, leev Fisternöllche un dolljepopp Eichhörnche, verheerte Jemeinde! Mir haben uns hier besammelt um unseren lieben Bruder, Amen. Wir wollen dem Nubbel, unserem alten Ego, in dieser für uns alle so dunkle Stunde das letzte Jeleit jeben.
Plötzlich und unerwartet wurde er uns aus der Mitte jerissen. Wie immer, mitten nach der letzten Sitzung der Session. Hier stehen wir und können es wieder jar nicht fassen.
Warum, fragen wir uns? Wieso tut der Schöpfer uns das an?! Ich sare et üch: weil morje Äschermettwoch es un mir all om Zahnfleisch jonn.
Aber der Herrjott hat schon janz andere Spaßvöjeler ausjeknipst: Dä Käptn, mein Käptn, dä singende Bademantel, un do dä andere Schreihals, dä Cockerspaniel……
Der Nubbel war ein juter Kerl, er war ein treuer Kamerad un er hat alles richtig jemacht. Er kann eben nur nix richtig zu Ende bringen.

Mit Blitz un Donner is er beim Birlikte dazwischen jefahren, aber da hatten de Höhner schon jespielt. Un waren unterwegs zum CDU Parteitag.

Aber als de Hoolijens dr Breslauer Platz demoliert han, hätt hä jeschlofe!! Da hätt hä wenigstens de Salafisten hinschicken können. Die hätten sich da fein jejenseitig dr Scheitel jezogen un mir wären se all quitt jewesen.

Und dann hat er aber ein Zeichen jesetzt. En dr janze City hätt hä et Leech usjemaat. Un dann sin widder de Falschen von den Falschen vermöbelt worden.

Ävver dann:!!!! Hä wor der Je Suis Charlie Hebdo vum Festkommitee: -Meinungsfreiheit ist für den Kölner Karneval so wichtig wie die Luft zum Atmen- ………En Düsseldorf hatten se mieh Eier en dr Botz. Wor de Luff wahrscheinlich besser. Joot, mer hatten all de Botz jet voll, aber em Fesskommitee lief et wirklich flüssig.
Uns he wor et och jet schläch, ävver et E-Werk es noh Mekka usjericht. Et hätt noch immer jot jejange. Trotzdem is es eine Schande, dass er so früh gehen musste. Aber die Weje des Herrn sin unerforschlich.
Jeder dritte Deutsche fürchtet sich vor der Islamisierung. Un dem Rest is et auch nit ejal. Tja leev Pegida, dat klingk schon wie Fußpilz, die Christianisierung des Abendlands wor och kei Krippenspiel. Jut, jetz is Moslem nich jleich Moslem. Da sin schon Dööfjen dabei. Da massakrieren se de halbe Zeitungsredaktion, weil se freie Presse scheiße finden. Un lassen sich dann ausjerechnet in ner Druckerei erschießen?! Oder heillos jrenzdebile Antisemiten krepieren am Ende im jüdischen Supermarkt. Wat sacht denn da der Prophet dazu?! So Leute sin ja für sich selber zu blöd.

Welcher Jott lässt so was zu? Ajuja, ich saren üch: dä Allah hätt se och nit all em Chressbaum.
Un sei mer ehrlich, et christliche Abendland is ein Sauhaufen erster Güte. Ich sare nur Hexenverbrennung….dä Giordano Bruno wör fruh jewäse, wenn se ihn erschosse hätte.
Jut, dr Nubbel kann da jetz auch nix dafür….. obwohl….. ich hab et jenau jesehen, dä wor auch em Primark enkoufe. Von Kinder för Kinder, handjeklöppelte T-shirt, fünf Euro. Es däm ejal.

Liebe Jemeinde, der Nubbel ist tot, und wenn ich es mir richtig überlege, dann ist dat auch jut so, dä knüselije Aapefott. Die schrecklichsten Lieder, die Menschen sich jemals ausjedacht haben, er hat se jesungen wie ein Vöjelchen, un er hat jevöjelt wie ein….. lasse mer dat. Un jetz litt hä do, dä Sabberlatz. Un säät nix mieh. Lasst uns fürbitten und Schuld zuweisen:

Wä wor dat, dat mer op Wieverfastelovend met dr Jripp em Bett jeläje han? Weil Knubbele vun Immis un Studente zick Woche en use Kaschemme ihr Trainingslageravjehalde han?!

Dä Nubbel

Un wenn mer op Wieverfastelovend de Jripp noch nit hatte, ävver de Stemm wor ald fott? Wat für ne unnüdije Plackfissel vun ener Höhnerfott hätt et erfunge? Loss mer singe!:

Dä Nubbel

Un wä es dat schuld, dat mer en keinem Lade aan jet ze drinke kom. Un dat dat och richtig wor, weil op dr Klo kom mer och nit.

Dä Nubbel

Un wä is schuld, dat mer de letzten Daach in Stadtteile wach jewoode sin, die mer jar nit kenne? Un och nie kenneliere wullte? En Klamotte, die jarnit unser sin?

Dä Nubbel
Un wä es et schuld, dat mer immer noch – un immer widder – un vill ze lang – de Muul hale, wenn mer jet sare mööte – ävver de Schnüss schwade, wenn mer der Bagger hale sullte. Un dat mer uns jefalle loosse, wat mer uns jefalle loosse. Vun Lück, die all dööfer un jemeiner un häßlicher sin als mir selver. Wä es et schuld?

Dä Nubbel

Liebe Brüder un Schwestern. Was darf Satire? Und muss sie alles, was sie darf? Nein, das muss sie nicht. Ich muss mich Fastelovend auch nicht jeden Tach betrinken un mit fremden Männern schmusen. Aber Spaß macht et eben doch. Un zum Ärjern jehören immer zwei. Wat könne mir dafür, wenn der Prophet so en Primel is? Andererseits, wenn er sich von nem Strichmännchen! nu ma so furchbar bedroht, beleidigt un entehrt fühlt, ja, du leever Jott, dann schreibt mer in Jottes Namen drunter: Jupp Schmitz, Name von der Redaktion geändert. Oder mer schreibt Mohammed, malt aber wat anderes. Kunst is bei de Allahmallachen eben eher nichtgegenständlich. Da malt mer Kringel, Kreise, Spiralen, wat mer so malt, wenn mer sich kein Bild machen darf; da is et natürlich auch langweilig in dr Schule.
Der Nubbel hat et jut, der muss sich da keine Jedanken mehr drum machen. Stech dä Doof aan, dat mer fertig werden hier.

Jehet nun hin, drink noch eine met, oder besser zwei oder drei auf unsere jeliebte Nubbel.
Et segne euch de Mutter, de Dochter un die heilije Jeiß, kutt joot op dr Emmer und lasset uns singen:

Liebe Trauerjemeinde, liebe Familie un Anjehörige, leev Fisternöllesse un dolljepopp Eichhörnche, verheerte Jemeinde!
Mir haben uns hier besammelt, un wollen unserem jeliebten Nubbel, unserem alten Ego, in dieser für uns alle so dunklen Stunde, Amen.
Plötzlich und unerwartet wurde er uns eraus jerissen.
Hier stehen wir und können es jar nicht fassen.

Warum, fragen wir uns? Wieso tut der Schöpfer uns das an?!
Weil morje Äschermettwoch es un et nur noch besser weede kann. Kilmisters Mottokopp hätt dr Kolbenfresser, Major Tom un dä Sheriff vun Nottingham kummen och nit mie widder un jetz och noch dr Roger: over and out- wat bruche mer do ne Nubbel!? Fott dommet, dumm Sau.

Jut, er war treuer Kamerad, hat jeden Dress mitjemacht, hä wor ne nette Kääl – ävver nett is dr kleine Bruder von scheiße. Er hätt bei de Stadt Köln de Wahlzeddele jeschrivve. Ävver de REPSe un AfD dropjeloosse. Un am Engk hätt et Jettche em Koma jeläje.

Er wor der Assistent vom Referent vom Präsedent von de Polizei. Et kütt wie et kütt. Er hat alles richtig jemacht.
De letzten fünf Jahre. Un sein Chef doch auch.

Er war auch der PR-berater von der Frau Oberbürjermeisterin.
En Frau heiß OB…. Annemie, ich kann nit mieh…
Wir haben dat ausprobiert, met dä….Ärmlänge
Weiberfastnacht em Rolandeck….
Ich will mal so sagen: Et war nicht zielführend. Oder anders eröm: Fastelovend ohne sexewelle Belästijung?! Do kann ich doheim blieve.
Trotzdem is es eine Schande, dass unser Freund so früh abberufen wurde. Aber die Weje des Herrn sin unerforschlich. Op eimol räänt et Feministe. Halleluja. Et räänt Feministe. Halleluja.
Die künnen dat nit schrieve, ävver do sin se dobei, dat es prima. Em Rudel Mädchen antanzen! Dat jehört sich nit.
Also nit, wenn mer nit dafür bezahlt hätt. Un dem Mädchen dann in et Zifferblatt packen! In aller Öffentlichkeit? Jehööt sich och nit.
Wo jib et denn so wat?!Ja!? – Dat jitt et op jeder Sitzung. Em Zoch.
Do steiht dr kölsche Taliban en de eetzte Reih – un es sing Werte am verteidije…..Ritsch, ratsch de Botz kapott.
Un am Dom, Stammquartier vun de Duude Funke, häng Richtung Bahnhoff ene Lappe: Keiner sull diskremiert un drangsaliert weede: wäjen singer Rasse, dr Färv, dem Stand un dr Relijon.
Vun Jeschläch steiht do nix. Jeschläch es schläch. Un je Mädche Jeschlechter.
Ajuja, ich saren üch: Dä Allah hätt vielleich keine Benemm,
ävver dr kölsche Jung hätt se och nit all em Chressbaum.
Un use Herrjott es ene Tütenüggel.
Dr Dress schwemp Richtung Düsseldorf?
Zick Silvester hiev dr Dress sämtlije Kanaldeckele.
Vun morjens bes ovends weed dä brunge Dreck en de Luff ventiliert.
Rächte Kackbratze schwalle bräsig em Fernseh, un em Radio, die stinkije Bröh överschwemp et Intenet un dröp us alle Zeidunge.
Ich habe einen Traum: Drieht däm brunge Mob doch ens endlich dr Saff av. Wieße Blädder, Sendeschluss, Testbild.
Noh drei Daach Aufmerksamkeitsdefizit wesse die Aapejesechter doch nit mieh, ov se Männche oder Weibche sin.
Ävver ich quall mich ald widder en dr Schweiß….
Liebe Jemeinde, der Nubbel ist tot, und wenn ich et mir richtig überlege, et wood och Zick.
Hätt jesunge wie dr Poptitan und jepopp wie e Tapir, die Tronskann.
Jetz litt hä do, als wör nix jewäse.
Lasset uns fürbitten und Schuld zuweisen:

Wä is et Schuld, dat mir de letzte Daach in Stadtteile wach jewoode sin die mir jar nit jekannt han? Un die mir och nie kenneliere wullte? En Klamotte, die jar nit de unsere wore?
Dä Nubbel
Un wä wor dat, dat mer dat Elend och noch unungerbroche jefilmp un op Facebook jedeilt han?
Dä Nubbel
Un wä es et schuld, dat et för uns Schöss nie jenoch Schössele jov? Un mir bal en de Botz jemaat han??? Un wä hing si Jlockespell luter en dr Pissrinn un läät einfach loufe?!
Dä Nubbel
Un wä wor dat, dat mer an Engk doch widder met all dä fremde Wilde und wilde Fremde unger dr Thek jeläje han?
Dä Nubbel

Brüder un Schwestern, lasset uns beten:
Leever Jott, erlöse uns von den Blöden.
Wirf Hirn vom Himmel, et muss ja nich dein eijenes sein!
Wirf et op die Rassiste Sackjesechter und ihr Kotzkumpefunze.
Wirf et op dä janze ärmsillije Houfe besorgte Bürjer.
29% vun dä Volksjenosse däten op Flüchtlinge scheeße loosse.
Dat es jeder vierunhalvte. Künnt ihr ens durchzälle he.
Scheeße loosse op Männer, Fraue un Kinder, op die ärm Säu, die et bes he hin jeschaff hatte; die ungerwächs nit avjesoffe sin, verlore jejange oder vun de Kinderfickermafia jekidnäpp.
Herr, wir bitten dich: Schenk denne 29% Brechdurchfall ne akute Blinddarmdurchbruch. Sunndaachs. Ovends. Un schenk inne ne syrische Dokter, dä zwei Daach durchjearbeit hätt.
Wie die Krankenschwester us Pakistan. Un schenk inne ne afjhanische Rettungsassistent. Un die han all kein Zick.
Leever Jott, die 29%, sin nit intejriebar.
Wir bitten dich: Schlach se! Met Stummheit un met Stromausfall.
Schlach och die Datdarfmernjoallnitmirsareinkontinente,
die Silvesterdatmöötdirenspasseerewünscher un och et schweijende Mehrschwein. Jevv ihne un uns: Sendeschluss, Testbild, Fierovend.
Et einzig echte Problem, wat die all han, dat hätt ne kölsche Filosof in in zwei!!! Wööt jepack:
FREIHEIT AUSHALTEN!
Unse Nubbel wor su frei, hä wor en Suffkraat un ene Schwaadlappe, en furchbare Kläävbotz, danze kunnt hä och nit, ävver hä wor unse beste un leevste Fründ. Stech dä Doof aan, dat mer fäädich weede. Es segne euch de Mutter, de Dochter un die hillije Jeiß, kutt joot op dr Emmer und lasset uns singen:

Liebe Trauernde, liebe Anjehörige, Fisternöllesse un dolljepopp Eichhörnche, verheerte Jemeinde!
Mir wollen unseren jeliebten Nubbel, in dieser für uns alle so dunklen, Amen. Plötzlich un erwartet wurde er uns entrissen.
Hier stehen wir und können es jar nicht fassen.
Warum, fragen wir uns? Warum tut der Schöpfer uns das an?!

Weil hä et kann. Dä luurt op Kölle un säät:
Ihr künnt mich ens em Mai besöke
KVB Kurzstrecke ohne Ömzesteije? Jo
Ne Bunker op de Domplaat stelle? Woröm nit?
Un em Rothus sin ald Ress vun dr Baustell…..
Beim Stadtarchiv hätt et jo och jeklapp
Dat Pääd vun de Appelsinefunke hatt ald Rusemondaach kein Loss mieh op dä Dress
Use Nubbel hät alles richtig jemaat
Hä wor un dr Inspizient bei dr Oscarverleihung lalalalala
Un dr Fahrdienstleiter bei dr KVB
Hä wor och dr Familientherapeut vum Sigmar Gabriel
Un dr Pflejer vum Dobrindt
un hä wor dä PR-berater vun de SPD
Zinter Mätes vun Würselen, wenn mer däm jläuv, wor singe Verein die letzte sechzehn Johre jar nit aan de Rejierung.
Oder nit zurechnungsfähig
Un mer weiß nit, wat schlemmer wör
Trotzdem is es eine Schande, dass unser Freund so früh abberufen wurde. Aber die Weje des Herrn sin unergründlich
Un mer weiß och nit, ov hä sing Tablette immer richtig nemp
Aape op Präsedentestöhl sin jrad schwer em kumme
Dr Yücel setz en dr Blech ävver dat Sackjeseech Erdomanes weed demnäx Sultan RatschemKappes de I.
Ävver dr Ami määt et jo all
Aure wie ne Waran, Färv wie ne Emmer Durchfall,
e dud Meerschweinche om Kopp un
ne Benemm wie Björn Höcke op Ecstasy
Dä präpotente Pavian hätt e Jemöt wie ne Zuhälter un
su vill Heenz wie de Krokotäsch vun singer Dochter
Bei däm brennt boven nur de Notbeleuchtung
Ävver kann jedem Schoss aan de Pussy packe
Amen ich sare üch, wenn dä keine Pimmelfimmel hätt,
do hätt keine eine
Wenn dä de Muul opmäät kennt dä nur ei Thema: Ich han dr Längste Dä hätt Aapefelse us jold
Dä wonnt en singem eijene Ständer, halleluja

Jot, die Atomraketedildos, do weed hä vürher eine frore,
sing Frau, oder singe Schwiejersohn
oder dä unjewäsche Quasimodo, dä immer nevven ihm steiht

Ävver ich quall mich ald en dr Schweiß….
Ajuja, ich saren üch, dr Herrjott hätt nit all Hostie em Tabernakel.

Liebe Jemeinde, der Nubbel ist tot,
und wenn ich et mir richtig überlege, et wood och Zick,
die Tronskann hätt jedanz wie e Playmobilmännche
und jepopp wie e Tapir
Jetz litt hä do, als wör nix jewäse
Lasset uns bitten und Schuld zuweisen:
Wä is et Schuld, dat mir de letzte Daach in Stadtteile wach jewoode sin, die mir jar nit kannte? Un die mir och nie kenne wullte?
En Klamotte, die jar nit de unsere wore?
Dä Nubbel
Un wä es et schuld, dat dr Fastelovend eröm es, wenn de KVB merk dat hä överhaup aanjefange hätt?
Dä Nubbel
Un wä es schuld, dat et för uns Schöss om Klo nie jenoch Schössele jitt? Un mer deshalv immer nur halv besoffe weede?
Dä Nubbel
Un wä hänk si Jlockespell en de Soot un lööt einfach loufe?!
Dä Nubbel
Un wä wor dat, dat mer an Engk widder met fremde Wilde und wilde Fremde unger dr Thek jeläje han?
Dä Nubbel

Brüder un Schwestern, lasset uns beten:
Leever Jott, erlöse uns von den Blöden
Wirf Hirn vom Himmel, et muss ja nich dein eijenes sein

Uns Rejierung hätt ene Reichtumsbericht erstellt, do steiht dren, un jetz hal üch ens joot fass:
Lück met Jeld han vill mieh Enfluss op de Politik als Lück ohne Jeld.
Also, ich wör nit drop jekumme.
36 Milliardäre en Deutschland han su vill om Konto wie de halve Bevölkerung
Ävver am Tellerand vun Europa setzen Dousende Minsche em Dreck, em Rään, am Zaun, zoröck künnen se nit, vür dürfen se nit.
Saat ens, leev Abendlandretter un AfD Sympattesante, wat sulle mer met denne maache? Waade dat se stirve?
Sulle mer se op eine vun dä neue Planete schecke?
Oder sull dr Sultan se tireck en de Wüste schecke?
Dä weiß jenau dat dat et deit.
Besorgte Bürjer, die han kein Sorje, die han einfach nur de Botz voll un sin dobei noch doof wie drei Quadratmeter Bauzaun.
Wat krawalliert ihr nit ens en Junkersdorf oder em Hahnwald?
Bei einem vun dä 36 Milliardäre? Flüchtlingshüüser ansteche un klein Kinder malestiere, dat künnt ihr doch och?
Unse Nubbel wor en Suffkraat un ene Schwaadlappe,
ävver su beklopp wie ihr kann dä jar nit weede
Stech dä Doof aan, dat mer fäädich weede.
Hä wor en furchbare Kläävbotz, knutsche kunnt hä och nit, ävver hä wor unse beste un leevste Fründ.
Jehet nun hin, drink noch eine met, oder besser zwei oder drei.
Et segne euch de Mutter, de Dochter un die heilije Jeiß
Un leever Jott, luur noch ens flöck noh dä ärme Pääd
So lasset uns singen:

Liebe Trauernde, liebe Anjehörige, leev Fisternöllche
un dolljepopp Eichhörnche, verheerte Jemeinde!
Mir wollen unseren jeliebten Nubbel, in dieser für uns alle
so dunklen Stunde das letzte Jeleit jeben.
Plötzlich un erwartet wurde er uns entrissen.
Hier stehen wir und können es jar nicht fassen.
Warum, fragen wir uns? Warum tut der Schöpfer uns das an?!

Weil hä et kann. Hä kunnt jo och Kölle.
Kölle es de nördlichste Stadt vun Italie.
Use Nubbel dät sujar sare, Süditalie.
Un de Südstadt es dr Süden vun Süditalie,
un jenau su süht et do och us.
Do es immer noch dat Loch. Jo…
Dä ein wor om Klo, dä andere em Urlaub, dä andere andere wor jar nit zuständig, un dä Allerletz, jo, dä hätt doch vun ener U-Bahn övverhoup nix jewoss!
Zwei Junge sin duud, et Archiv es Konfetti, un keiner es et jewäse.
Use Nubbel wor do nit dobei, dat kunnten die avjeleckte Heringsstätze bei dr Stadt un KVB janz allein.
Unfähigkeit, dat wor jester, hück sin die Bröder krimenell.
Do kütt ene kleine Nubbel jo jar nit met.

Aber die Weje der Herren sin sowieso unerforschlich.
Wat darf mer dann hück noch sare, sin se am küme, wat darf mer dann noch maache? Wat es dann op einmol loss?
#MeToo
Dat es englisch, dat heiß: Do mich och e paar mol.
Ja, Junge, dousende Johre hätt et noch immer joot jejange, ävver jetz es och ens Schluss.
Ihr künnt met uns schwade wie met enem Doof, nur nit esu lang.
Time´s Up. Dat es och englisch, dat heiß: Zick, Zick, Zick eröm.
Jot driesse, jot kriesche, meld üch bei dr Aktion Sorjekind,
jot heim un spillt üch selver am Zefferblatt,
maat wat er wullt, ävver maat et woanders.
Mir han kein Zick mieh für su jet.
Dieter Wedel. Do es dr Nome ald Projramm.
Su e fludderich Wöschje kanns de nit erfinge. – Bruchs de och nit.
Dat muss mer sich vürstelle, do jeiht en junge Frau sich vürstelle un dä Doof steht em offe Bademantel en dr Düür. Un es am wedele.
Annemie, ich kann nit mieh: dr Stetz vum Dr. Minipli!
Normal dät mer sare: Maach en Schöpp drus.
Ävver wat es em Fernseh ald normal?
Jenau, ne plackfisselije Wedelstetz, dat es normal.
Dä hätt singe Pap am beste en dr Wald jespretz,
wör ne schöne Tanneboum jewoode. Vielleich.
Use Nubbel hätt met su ener Feuermelderfress Aapefott nix jemein.
Mer süht et ald do dran, dä Dr. Jedresse lääv, un use Nubbel es duud.

Jetz luur dr dä aan, dä Doof. Jetz, wo et drop aan jeiht,
……jetz bliev dä lieje.
Wat es Jung? Kanns de nit oder wills de nit?
Revolution?! Stand op Leevje!!!!
……………………………….
Jo, dat bes de jetz wirklich selver schuld.
Ävver alles anderes nit, nit dies Johr, jenoch es jenoch.
Lasset uns beten und keine Schuld zuweisen
Wä wor et nit schuld, dat se öm et Quartier Lateng ene Zoun hatte? Und dat Elend dohinger et selve wor?
Dä Nubbel.
Un wä wor dat nit, dat mer en dr Stadt en DIXI Klo Epedemie hatte?
Statt ens einfach elektrische Dröht öm de Hüüser?
Dä Nubbel
Un wä kann övverhaup nix dofür, dat dat Rekers Trulla nit eine Ärm lang dr Bagger hale kann?
Dä Nubbel.

Brüder un Schwestern, lasset uns beten:
Leever Jott, loss die nöchste vier Johre flöck eröm jonn,
mir künne nit mieh.
De Nazis setze em Bundesdaach, de SPD setz en dr Jeschlossene, aan de Atomknöppche setze stabile Genies
un dä ärme Deniz setz zick einem Johr en dr Blech.
De Diesel verjeff de Luff, et Glyphosat et Wasser, de Zuckermafia verjeff de Pänz, un dat es alles janz lejal.

Op dr Stroß es dr Mob am rose, un wie immer, jäje de Falsche, Flüchtlinge flüchte us Sachse un Jüdde widder us Berlin.
De Mam vun de Arschlöcher hätt immer ne Brode em Rühr,
ävver dies Daach kritt die luuter Drillinge.

Unse Nubbel wor vielleich en Suffkraat un ene Schwaadlappe, ävver hä wor hätzensjoot.
So Jung, jetz oder nie…….. dann nit.
Stech dä Doof aan, dat mer fäädich weede he. Scheißkält.
Jehet nun hin, drink noch eine met, oder besser zwei oder drei.
Et segne euch de Mutter, de Dochter un die heilije Jeiß
So lasset uns singen: